la presse marocaine موقع الصحافة المغربية

للخاعة والتيليفونات للرباط,لشي واحد أو جوج من أصحاب القرار النافذين.وسير شرح ليهم بأن مهرجان كيجمع من 50 حتى 100 ألف واحد جايين من المغرب كامل,ما كيتلغاش هاكا في آخر لحظة,وأنك يلا لغتيه وخنقتي شعلة ديال الحماس والحيوية بحال هادي بلا مبرر راك كتقلب دير سيدي افني فقلب كازا,حتى شحفو المنظمين عاد تلغى قرار المنع...أوف

من المؤسف أن نلجأ الى حجج مثل هاته كي ندافع عن مؤسسة من عيار هذا المهرجان علما أن البولفار لمن لا يعرفه رصيده 1000 ألبوم جرى الاستماع اليها خلال عشر سنوات وحوالي 300 فرقة موسيقية اكتشفت وشقت طريقها(ومنذ ذلك الوقت وهم يحيون الحفلات داخل المغرب وخارجه,مع مساعدة الفاعلين الثقافيين الأجانب الذين يستدعيهم البولفار كل سنة)بالاضافة الى 25 ورشة واقامة موسيقية تتيح امكانية اللقاء واقتسام التجارب بين النجوم العالميين والشباب المغربي الذي يملك الموهبة وتنقصه الامكانيات...بلا ما نهضر على معدل 100 ألف شاب اللي كيجيو كل عام يشطحو على ايقاعات الراب والهيب هوب.بدل أن تشطحهم المواعظ المتطرفة والخطب الشعبوية...يمكن هاد الشي اللي كيبان لينا بديهي ف"نيشان" ما كيبانش لكلشي,اذن لنقلها بأعلى صوت"البولفار" تراث وطني وفرصة للتنمية الثقافية والسلم الاجتماعي في المغرب.المهرجانات المستقلة بحال هادا فأوروبا كيعتابروها تقدم خدمة عمومية وتمول كليا من طرف الجهات والمجالس المحلية.أما هشام ومومو منظما"البولفار" اللي كيضورو بالسكوتر باش يجمعو الفلوس من عند ليصبونصور-هذه السنة يتحدثان عن عجز قيمته 600 ألف درهم-ووزيرة الثقافة فينا هي؟كالت ليهم غادي نعطيكم 200ألف درهم(ميزانية البولفار تقدر ب4 ملايين ونصف المليون درهم),وفالتالي دارت بالناقص وملي سولوها علاش ردت بكل بساطة"الدعم ماعرفناهش فين طار" ايوا كولو باز والوالي دكازا آش كيدير؟بعد شهور من الانتظار استقبل المنظمين لمدة عشر دقائق...وعطاهم محاضرة حول"أخطار المخدرات" (لو تجشم عناء قراءة الملف الصحافي لعرف أن المهرجان جعل من الوقاية ضد المخدرات احدى أهم شعاراته) ايوا والبلدية؟لا توفر الا ربع عدد الحواجز المطلوبة لضبط النظام(ومع ذلك عندها الجبهة باش تشكي من مشاكل الأمن)...وحتى البوليس والمخازنية المهرجان اللي مخلصهم...وموكلهم علاش هاد الحكرة كلها؟بلا شك لان هشام ومومو متشبثان باستقلاليتهما,ولا يطلبان الرعاية من أحد,ويذهبان الى المواعيد مع الرسميين لابسين دجين والبيرية والحلقة فالودن(كنبانو ليهم بحال يلا جايين من شي كوكب آخر" يقولان وهما يضحكان واخا هاد الشي فالحقيقة كيبكي...